БНМАУ-ын  Сайд нарын Зөвлөлийн 1965  оны  5-р сарын 12-ны өдрийн 154 тоот тогтоолд аймгуудын Эрчим хүчний газрыг 1965-1966 онд  багтаан байгуулахаар заасны дагуу 1966 оны 4 дүгээр  сарын 01-нд  Баянхонгор аймгийн төвд  Эрчим Хүчний үйлдвэр  анх байгууллагдахад  4 мотортой, 19 ажилтантай тулгын чулуугаа тавьсан түүхтэй.

ЭРХЭМ ЗОРИЛГО

Стандартын цахилгаан эрчим хүчээр хангах,  түгээх, борлуулах үйл ажиллагаандаа шинэ дэвшилтэд техник технологийг нэвтрүүлж, сүлжээний алдагдлыг багасган, хэрэглэгчдийг тасралтгүй найдвартай цахилгаан эрчим хүчээр ханган, мэргэшсэн чадварлаг боловсон хүчнээр соёлтой үйлчилгээг үзүүлж, шударга харилцааг эрхэмлэн ажиллана.

ЗОРИЛТ

Эрхэм зорилго болон Компанийн бодлогын баримт бичгүүдтэй уялдуулан хийж буй техник зохион байгуулалт, их засвар, хөрөнгө оруулалтын ажлуудаа чанартай цаг хугацаанд нь хийж гүйцэтгэх.

АЛСЫН ХАРАА

Аюулгүй ажиллагааг эрхэмлэж, найдвартай ажиллагааг ханган, салбартаа тэргүүлэгч компани болно.

ҮНДСЭН ҮЙЛ АЖИЛЛАГАА

“Баянхонгор-Эрчим хүч” Цахилгаан түгээх ХХКомпани нь Эрдэнэт, Булган, Хархорин, Өвөрхангай аймгуудыг холбосон нийт 877,5 км-ийн урттай 110кВ-ын цахилгаан дамжуулах агаарын шугамаар цахилгаан эрчим хүчийг дамжуулан авч хэрэглэгчдэд түгээдэг.

Компанийн ТУЗ-11 гишүүн, 94 хүний бүтэц орон тоотойгоор цахилгаан түгээх, цахилгаанаар зохицуулалттай хангах тусгай зөвшөөрлийн хүрээнд Баянхонгор аймгийн төв болон ойролцоох Өлзийт, Эрдэнэцогт сумдыг 6кВ-ын 77.7 км, Шаргалжуут рашаан сувилал, тосгон, Заг, Гурванбулаг, Жаргалант сумдыг 10кВ-ын 150.5 км, Баян-Овоо, Галуут, Баацагаан, Хүрээмарал, Баянбулаг сумдыг 15кВ-ын 339 км, Бөмбөгөр, Бууцагаан, Заг сумдыг 35 кВ-ын 295.5 км ЦДАШ, 218 дэд станц трансформатороор дамжуулан нийт 13900 хэрэглэгчдийг цахилгаан эрчим хүчээр хангаж байна